"Ланс" "Барселона" ҳимоячисини ижарага олмоқчи

"Ланс" қишки трансферлар ойнасида битта ҳимоячи билан шартнома имзолашга ҳаракат қилиб кўради. Клубнинг асосий мақсади бу "Барселона" аъзоси Микаил Файедир. 

Фабрицио Романонинг сўзларига кўра, лансликлар Испания клубига футболчини 8 ёки 9 миллион еврога сотиб олиш банди билан мавсум охиригача ижарага олмоқчи эканлигини маълум қилган ва рад жавобини олган. "Барса" Файе бўйича ҳеч қандай таклифни кўриб чиқишни истамайди. 

"Ланс" сўнгги пайтларда ҳимоячиларининг тез-тез сафдан чиқишидан азият чекмоқда. Ҳусанов терма жамоа таркибида бўлса, Градитнинг қизил карточкаси бор. Шу билан бирга, Медина жароҳатдан яқиндагина қайтди. Олдинда эса муҳим ўйинлар кутиб турибди. 

Агарда францияликлар Файени ижарага ололмаса, бошқа вариантларни ҳам кўриб чиқиши ва бу Ҳусанов учун бироз қимматга тушиши мумкин. Эндигина мураббийнинг ишончига кириб олаётган ҳимоячимиз "Ланс" сафидаги сўнгги иккита баҳсда захирага олинмади. 

"Ланс" Франция чемпионатининг 19-туридан кейин 8-ўринда кетмоқда. Мавсумни Чемпионлар лигасида бошлаб, Европа лигасига тушиб кетган жамоа "Фрайбург"га қарши майдонга тушади. Клубнинг Еврокубоклар зонасига қайтишга имконияти яхши.