Лапорта: "Аёллар жамоамиз — матонат ва профессионаллик намунаси"

"Барселона" президенти Жоан Лапорта аёллар бўйича Испания Суперкубоги ҳақида гапирар экан, "Реал" президенти Флорентино Пересни ҳам эслаб ўтди.

Испания Суперкубоги финалида "Барселона" аёллар жамоаси "Реал Мадрид"ни 2:0 ҳисобида мағлуб этди.

"Бу футболчилар — матонат ва профессионалликнинг ёрқин намунаси. Бундай даражага чиқиш жуда қийин, аммо ундан ҳам қийини — шу савияда қолиш. Улар эса бунга эришди.

Биз Флорентино Перес у ерда бўлмаслигини билардик ва буни изоҳламаганмиз. Испания федерацияси президенти Рафаэль Лусан "Барселона"нинг аёллар футболига бўлган садоқати учун бизга миннатдорлик билдирди.

Шунингдек, аёллар Чемпионлар лигасининг чорак финал ўйинини "Камп Ноу" стадионида ўтказиш имкониятини ўрганяпмиз", — деди Лапорта.