Лапорта: "Барселона" барча совринлар учун кураш олиб боради"

"Барселона" президенти Жоан Лапорта 2025/26 мавсум учун клуб олдига қўйилган мақсадлар ҳақида гапирди. Унинг таъкидлашича, жамоа янги мавсумда барча фронтларда муваффақият қозонишни режалаштирмоқда.

"Биз жамоани мустаҳкамладик ва ғалаба учун курашишни режа қилмоқдамиз. Ўтган мавсумда эсда қоларли лаҳзалар кўп бўлди. Ушбу мавсум ҳам ажойиб бўлишига умид қиламан. Биз барча совринлар учун кураш олиб борамиз" — дея таъриф бериб ўтди "кўк-анорранглилар" раҳбари.

Эслатиб ўтамиз, ўтган мавсум "Барселона" Ла Лигани ғолиб сифатида якунлаб, "Реал Мадрид"ни тўрт очкога ортда қолдирганди. Шунингдек, Ханс-Дитер Флик бошчилигидаги жамоа Испания Кубоги ва Суперкубокни ҳам қўлга киритган.

Янги мавсумдаги илк расмий учрашувни "Барселона" 16 август куни сафарда "Мальорка"га қарши ўтказади.