Лапорта: Деку, мана шу футболчини “Барса”га олиб кел!

“Барселона” клуби президенти Жоан Лапорта жамоа таркибига қўшилиши керак бўлган ўйинчини танлади. Клуб хўжайини спорт директори Декудан мексикалик вундеркинд Жильберто Моранинг трансферини ташкил қилишни талаб қилмоқда.

Мора бор-йўғи 17 ёш бўлишига қарамасдан, халқаро эътибор марказида. Унинг “Тихуана” клубидаги ажойиб ўйини “Барселона” ва “Реал” каби икки грантни жиддий ташвишга солиб қўйди. Шу боис, бу “юлдузча” атрофида яна жиддий кураш бошланиши мумкин.

“Барселона” яқин йилларда клуб нишонида бўлган Эндрик ва Арда Гюлерни “Реал” илиб кетганидан куйган эди. Бу гал каталонияликлар “отни эртароқ қамчиламоқчи”.

Defensa Central нашрининг маълум қилишича, Жилберьто Мора трансфери масаласини Жоан Лапортанинг шахсан ўзи назоратга олган.  

“Барселона” хўжайинининг фикрича, агар клуб ўйинчи учун курашда “Реал Мадрид” билан юзага келган  рақобатда ютмоқчи бўлса, тез ҳаракат қилиш керак.

 “Реал” эса, Жильберто Мора масаласида ҳам анъанавий стратегиясига амал қилмоқда, яъни ёш иқтидорларни уларнинг қиймати кўтарилишидан олдин сотиб олишга ҳаракат қилади.