Лапорта: “Сизлар бошингизни баланд кўтариб кетишингиз мумкин”
Чемпионлар лигаси ярим финалида “Интер”га мағлуб бўлганидан (3:4, биринчи ўйин – 3:3) сўнг “Барселона” президенти Жоан Лапорта жамоа футболчиларини қўллаб-қувватлади.
AS нашрининг ёзишича, Лапорта ўйиндан сўнг кийиниш хонасига кирган ва футболчиларга ҳеч қандай танқид ёки уқтиришлар айтмаган. Аксинча, у уларнинг характерини ва ҳаракатини юқори баҳолаган:
– Сизлар бошингизни баланд кўтариб кетишингиз мумкин, мухлислар сизлардан жуда фахрланишмоқда, – деган Лапорта.
Клуб раҳбари келаси мавсумга ҳам ишонч билдириб, қуйидагиларни қўшимча қилган:
– Биз буни яна амалга оширамиз ва янада яхшироқ иштирок этамиз, - дея футболчиларга далда берган.
Фикрлар