"Лацио" Индзагининг ўрнини эгаллайдиган 3 мутахассис номзодини кўриб чиқмоқда

"Лацио" бош мураббий Симоне Индзагининг ўрнини эгаллаши мумкин бўлган бир қатор мутахассислар рўйхатини тузиб чиқди.

Италиялик журналист Николо Скиранинг маълум қилишича, римликлар бу борада 3 мутахассис номзодини кўриб чиқмоқда. Булар - Люсьен Фавр, Синиш Михайлович ва Вальтер Маццарри.

"Лацио" якунланган мавсум А Серияда 6-ўринни эгаллади ва келаси мавсум Европа лигасида иштирок этиш ҳуқуқини қўлга киритди.

45 ёшли Индзаги “Лацио”ни 2016 йилдан буён бошқариб келаётган эди. Унинг бошқарувида “Лацио” 2018/19 йилги мавсумда Италия кубоги ва 2017, 2019 йилларда Италия Суперкбоги соҳиби бўлган.