Легионеримиз мухлислар билан хайрлашди! Кейинги манзил – кучли бешлик!

Беларусь чемпионатидаги бир ярим йиллик фаолият “Насаф” тарбияланувчиси Бобур Абдухолиқов учун жуда фойдали бўлди.

25 ёшли ҳужумчимиз “Энергетик-БГУ” сафида бу муддат ичида жами 44 та учрашув ўтказиб, рақиблар дарвозасини 28 маротаба ишғол қилди ва олтита голли пас узатди. Шунингдек, мамлакат кубоги баҳсларида учта ўйинда биттадан гол ва ассист қайд этди.

Бобур Абдухолиқов 2022 йилги мавсумнинг ҳақиқий қаҳрамони бўлди. У Беларусь чемпионатларида тарихида энг кўп гол урган легионерга айланди. “Энергетик-БГУ”ни илк бор кумуш медаль соҳибига айлантирди, ўзи чемпионатнинг энг яхши ўйинчиси ва тўпрурарлар баҳси ғолиби бўлди.

Бобур Абдухолиқов “Энергетик-БГУ”даги фаолиятини якунлаб, жамоа мухлисларига мактуб ёзди.

- “Энергетик—БГУ”нинг қадрли мухлислари, мураббийлари, ходимлари ва клубимизга бефарқ бўлмаган ҳамма!

Барченгизга  бирга ўтказилган вақт учун чин қалбим миннатдорлик билдиришни истайман. Бир ярим йил мобайнида ҳар бирингизга меҳр қўйдим. Минск шаҳри ва бутун Беларусь ҳар доим хотирамда қолади.

Мен билан майдонга тушган ҳар бир жамоадошимга ҳам раҳмат. Фаолиятингиз давомида омад ёр бўлишини тилайман. Кўксига буқа сурати туширилган футболкаларда сизлар билан ёнма-ён ўйнаш мен учун катта ифтихордир.

Мухлислар қизғин қўллаб-қувватлаб тургани учун улардан миннатдорман. Сизлар учрашув ҳисоби ва об-ҳаво шароити қандай бўлишидан қатъи назар, стадионга келиб, бизларни олға бошлаб турдинглар.

Владимир Белявский, Павел Родненок ҳамда уларнинг мураббийлар штабига ҳам раҳмат айтаман. Сизларнинг ёрдамингиз билан мен футболчи сифатида ўсдим ва яхши сифатларимни очишга муваффақ бўлдим.

Анатолий Юревичдан алоҳида миннатдорман. Мен у билан “Энергетик-БГУ” келган илк кунимдан бирга ишладим. Сиз берган билимлар фаолиятим охиригача менда қолади. Мен учун жуда кўп меҳнат ва куч сарфладингиз.

Шуниндек, мураббийимиз Николай Банфиловнинг ҳам кийим алиштириш хонасидаги илҳомбахш сўзларини унутмайман.

Бу ажойиб давр. Биргаликда кўп нарсага, кўпчилик кутмаганларига ҳам эришдик. “Энергетик-БГУ” жамоадаги ажойиб муҳит туфайли муваффақият қозонди.

“Энергетик-БГУ” менга кўп нарса берди ва мен ҳам бунга муносиб жавоб қайтара олдим, деб ўйлайман. Мен жамоани катта мақсадлар билан тарк этяпман. Клубга фақат муваффақиятлар ёр бўлишини истайман ва ҳар доим натижаларни кузатиб боришга ваъда бераман. “Энергетик-БГУ” қалбимдан чуқур ўрин олган, - деб ёзди Бобур Абдухолиқов.

Таъкидлаш жоизки, Бобур Абдухолиқов яқинда ўзига Венгрия, Туркия, Польша клубларидан таклиф бўлаётганини айтган эди. Моҳир тўпураримизнинг ўзи эса, ҳудди Элдор Шомуродов сингари кучли бешлик лигаларидан бирида тўп тепишни орзу қилмоқда.

Менга ҳам ўзбекистонлик футболчидек катта пул тўланглар!

Легионеримиз лигани тарк этмоқда. Мураббийнинг илтимоси ўтмади!