Легионеримизнинг жамоаси мураббийсиз қолди

Легионеримиз Иброҳимҳалил Йўлдошев ҳаракат қилаётган "Нижний Новгород" жамоасида мураббий ўзгарди.

"Match TV" канали тарқатган хабарга кўра, айни пайтдаги бош мураббий Александр Кержаковга чиқиш эшиклари кўрсатилган. 

"Бир ҳафтадан сўнг мавсумолди йиғинлар бошланади, жамоага эса иш режаси керак. Шундай вазиятда қандай қилиб бу қарорга келишганига тушунмаяпман. Ҳозирча, ўзим бирорта клуб билан музокарага киришмадим",-деди Александр Анатольевич. 

Маълумот учун, "Нижний Новгород" 39 ёшли мутахассиснинг дебют мавсумида РПЛ 11-поғонасини банд этди.