Легионерларимиз иштирок этган баҳсда

Бугун Россия Миллий футбол лигаси 23-турида Вагиз Галиулин ҳамда Бобур Давлатов тўп сураётган “Нефтехимик” клуби меҳмонда “Енисей”га қарши баҳс олиб борди.

Ушбу учрашувнинг 80-дақиқасида аргентиналик Хуан Лескано томонидан киритилган ягона гол “Енисей”га муҳим уч очкони тақдим этди. “Нефтехимик” таркибида Галиулин учрашувни тўлиқ ўтказди ва 66-дақиқада ҳакам томонидан сариқ карточка билан “сийланди”. Давлатов эса, 60-дақиқада Данил Кленкиннинг ўрнига майдонга туширилди. 

Афсуски, легионерларимизнинг уринишлари ҳам жамоасини мағлубиятдан қутқариб қола олмади. 23-турдан сўнг “Нефтехимик” 37 очко билан 7-ўринда боряпти.

Навбатдаги турда “Нефтехимик” 25 ноябрь куни ўз майдонида мусобақа пешқадами бўлиб турган “Нижний Новгород” жамоасини қабул қилади.

Матнда хатолик топсангиз, ўша хатони белгилаб, бизга жўнатинг (Ctrl + Enter)