Лэмпард дунёнинг энг яхши футболчиси кимлигини айтди

"Челси" клуби бош мураббийи Фрэнк Лэмпард франциялик шогирди Н’Голо Канте ҳақида илиқ фикрлар билдириб ўтди.

“Канте ажойиб намуна. У шахсий муваффақияти нуқтаи назаридан олганда 4-5 та ажойиб мавсумни ўтказди.

Бу мавсум у учун қийин бўлди, боиси у бор йўғи 40% учрашувларда иштирок этди. Бу биз учун катта йўқотиш. Бизга Канте керак. Менимча, у дунёнинг энг яхши футболчиларидан бири. Мен уни “Челси”га келишимдан анча олдин таниганман”, - дейди Лэмпард.

Канте жорий мавсум “Челси” сафида 22 та ўйинда майдонга тушди ва 3 та гол урди. Бундан аввалроқ, унга "Реал", "Барселона", "Ювентус" ва ПСЖ клубларидан қизиқишлар бўлаётгани ҳақида хабарлар тарқалган эди. Унинг трансфер нархи эса 80 млн еврога баҳоланмоқда.