Лэмпарднинг "Дерби Каунти"даги ўрнини Филлип Коку эгаллади

Яқин ўтмишнинг машҳур футболчиларидан бири ҳисобланган Филлип Коку “Дерби Каунти” бош мураббийи этиб тайинланди.

Клуб расмий сайти тарқатган хабарга кўра 48 ёшли голландиялик мутахассис инглиз клуби билан 4 йиллик шартнома имзолаган.

Таъкидлаш керакки, у бу лавозимда “Челси” билан шартнома имзолаган Фрэнк Лэмпарднинг ўрнини эгаллади.

Эслатиб ўтамиз, “Дерби Каунти” Чемпионшип вакили ҳисобланади.