"Лестер" ўз тарихидаги энг қиммат трансферни амалга оширди

"Монако" клуби ярим ҳимоячиси Юри Тилеманс расман "Лестер" футболчисига айланди. Бу ҳақда клуб расмий сайти хабар тарқатмоқда.

Юқоридаги манбаага кўра 22 ёшли бельгиялик футболчининг трансфери “тулкилар”га 45 млн еврога тушган. Эътиборлиси, Тилеманс шу тариқа “Лестер” тарихидаги энг қиммат футболчига айланди. У янги жамоаси билан 2023 йилга қадар шартнома имзолади.

Эслатиб ўтамиз, Тилеманс якунланган мавсумнинг иккинчи қисмини “Лестер”да ижарада ўтказди ва 13та ўйинда майдонга тушиб, 3та гол ҳамда 5та голли узатмага муаллифлик қилишга эришди.