Левандовски Бенземага Ла Лигада ким кучли эканлигини исботламоқчи

Роберт Левандовски “Бавария”ни тарк этиб, “Барселона” билан 3 йиллик шартнома имзолади.

Польшлик форварнинг вакили Цезар Кухарскининг фикрича, Роберт Карим Бензема билан рақобат ўрнатиш истаги сабаб Испания чемпионатига кўчиб ўтган. Шунингдек, футболчи ҳали ҳам “Олтин тўп”ни қўлга киритишга қодир эканлигига ишончи комил ва шу сабаб Каталония клуби билан шартнома имзолаган.

“Левандовски ҳар доим Испания чемпионатида ўйнашни исташини айтар эди. Шунинг учун у “Барселона”га ўтиш учун “Бавария” раҳбарияти билан зиддиятгача борган. У Испанияда Бенземадан кучлироқ эканлигини исботлаш учун ҳам келди.

У шартнома борасидаги муаммоларни якунлаб, АҚШга жўнаб кетди. Ишончим комилки, у “Барселона”да ҳам “Бавария”даги каби ўйин намойиш этади ва “Олтин тўп” учун асосий фаворитлигини исботлайди”, — деди Кухарски “El Larguero” нашрига берган интервьюсида.