Левандовски Испания клубига ўтиши мумкин. Қизиғи, бу "Реал" ҳам, "Барселона" ҳам эмас

"Бавария"нинг польшалик ҳужумчиси Роберт Левандовски "Атлетико"га ўтиши мумкин, деб хабар бермоқда El Chiringiuto TV телеканали.

Юқоридаги манбанинг хабарига кўра, футболчи анчадан бери Испанияда ўйнашни орзу қилиб келган. Аммо шу билан бирга, ҳужумчи "Бавария" билан амалдаги шартномасини узайтириши ҳам мумкин. Бироқ мюнхенликлар унга ҳозирча янги шартнома таклиф қилгани йўқ.

33 ёшли Левандовски жорий мавсум "Бавария" сафида барча турнирлар доирасида 33 та ўйинда майдонга тушиб, 39 та гол урди ва 3 та голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.