Левандовски мавсум якунида “Барселона”ни тарк этади

Ҳужумчи Роберт Левандовски мавсум якунида "Барселона"ни тарк этишини эълон қилди.

“Тўрт йиллик синовлар ва машаққатли меҳнатдан сўнг, олдинга интилиш вақти келди. Мен ўз вазифамни бажарганимни ҳис қилиб кетяпман. Тўрт мавсум, учта чемпионлик. Биринчи кунларданоқ мухлислардан олган меҳримни ҳеч қачон унутмайман. Каталония менинг уйим. Ушбу тўрт ажойиб йил давомида учрашган барча инсонларга раҳмат. Фаолиятимнинг энг ҳайратланарли босқичини бошдан кечириш имкониятини тақдим этгани учун Президент Лапортега алоҳида миннатдорчилик билдираман. "Барса" ўз ўрнига қайтди", - деб ёзди Левандовски ижтимоий тармоқдаги саҳифасида.

Левандовски 2022 йилнинг ёзида "Барселона"га ўтган. Ушбу даврда 37 ёшли ҳужумчи барча мусобақаларда 191 та ўйинда қатнашиб, 119 та гол ва 24 та голли узатмани амалга оширган. Каталония клубида польшалик ҳужумчи уч марта Испания чемпиони бўлган, уч марта мамлакат Суперкубоги ва бир марта Испания кубогини қўлга киритган.