Levandovski Messi va Ronaldu safiga qo‘shildi

Evropa Chempionlar ligasining umumiy bosqich beshinchi turida “bavariya” o‘z maydonida “Brest” darvozasiga javobsiz uchta to‘p kiritdi.

Uchrashuv qahramoni dubl qayd etgan Robert Levandovski bo‘ldi. Ikki gol tufayli polshalik forvard qit’aning eng nufuzli musobaqasida urgan gollari sonini 101 taga etkazib oldi.

Jahon futbolida Evropa Chempionlar ligasida faqatgina Krishtianu Ronaldu va Lionel Messi gol urish bo‘yicha yuzlik dovonni zabt etgan. Levandovski bu borada uchinchi bo‘ldi.

- Aqlbovar  qilmas darajada baxtiyorman. 100 – chiroyli raqam, lekin men 101 ta gol urdim. Uzoq yillar oldin Chempionlar ligasida 100 ta gol ura olishim haqida o‘ylamagandim ham. Krishtianu Ronaldu va Lionel Messi bilan bir guruhda bo‘lish ajoyib tuyg‘u, - dedi Robert Levandovski.

Krishtianu Ronaldu Evropa Chempionlar ligasining eng zo‘r to‘purari hisoblanadi. Uning hisobida 140 ta gol bor. Ikkinchi o‘rindagi Lionel Messi bu musobaqada o‘z hisobiga 129 ta gol yozdirib qo‘ygan.

Faoliyatini davom ettirayotgan o‘yinlar orasida hali yuzlik marraga yaqinlashgan boshqa futbolchi yo‘q. Levandovskining eng yaqin ta’qibsimi Tomas Myuller 54 ta gol urgan va nemis o‘yinchisi faoliyatining yakuniy bosqichida. Undan keyingi o‘rinda Kilian Mbappe joylashgan. “Real” o‘yinchisi hisobida 49 ta gol bor.