Левандовски Месси ва Салоҳни қанча овозга ортда қолдиргани маълум бўлди

ФИФА 2021 йилнинг энг яхши футболчиси аниқлаш бўйича ўтказилган овоз бериш натижаларини эълон қилди.

Унга кўра, иккинчи ўринни эгаллаган Лионель Месси ғолиб Роберт Левандовскидан атиги 4 очко ортда қолган.

Ўз навбатида, аргентиналик футболчи 3-ўринни эгаллаган Муҳаммад Салоҳдан бор йўғи 5 очко кўпроқ овоз жамғарган.

Бу борада кейинги ўринларда Карим Бензема, Нголо Канте, Жоржиньо, Криштиану Роналду, Килиан Мбаппе, Кевин де Брюйне, Неймар ва Эрлинг Холанд қайд этилди.