Левандовски ўз келажаги ҳақида фикр билдирди

"Барселона" ҳужумчиси Роберт Левандовски ўз келажаги ҳақида фикр билдирди. Маълумки, поляк футболчисининг каталонияликлар билан шартномаси яқинлашиб келаётган ёзда якунланади.

"Шартномам борасида ҳеч қандай ўзгариш бўлгани йўқ. Келажак ва вариантларим ҳақида ўтириб, ўйлаб кўриш учун ҳали вақт бўлади", — деди Левандовски. 

Маълумот учун, Роберт  ҳозир 37 ёшда. У "кўк-анорранглилар" сафида жами 184 та расмий ўйинда майдонга тушиб, 117 та гол урган ва 23 та голли узатмани амалга оширган.