Левандовски Роналду ва Мессига тан берди

"Бавария" ҳужумчиси Роберт Левандовски йил якунлари, Лионель Месси ва Криштиану Роналду ҳақида гапирди.

"Месси ва Роналду жуда узоқ вақт юқори даражада ўйнашди, уларга тенг келадигани йўқ. Aммо рақамлар бўйича мен сўнгги пайтларда жуда кўп гол урдим, деб ўйлайман. Бироқ, мен улар билан бир столда ўзимни тасаввур қила олмайман. Лекин, уларни ўз уйимга, кечки овқатга таклиф қилишим мумкин(кулади).

Кумир масаласига келадиган бўлсак, мен Дель Пьеро, Aнри, Баджонинг ўйинларидан ҳайратланар эдим", - деди польшалик форвард.

Эслатиб ўтамиз, Левандовски 2020 йил якунларига кўра, ФИФА томонидан йилнинг энг яхши футболчисига бериладиган "The Best" мукофотини қўлга киритди. 32 ёшли ҳужумчи "Бавария" сафида 2020 йилда Германия чемпиони бўлди ва мамлакат кубоги ҳамда Суперкубогини қўлга киритди. Шунингдек, ЕЧЛ ва УЕФА Суперкубогида ҳам зафар қучди.

Фикрлар

Фикр қолдириш учун авторизациядан ўтинг!