Левандовски Холандга жойини кўрсатиб қўйди

Бундеслиганинг 24-турида “Бавария” ўз майдонида “Боруссия”ни қабул қилди.

Дортмундликлар ҳужумчиси Эрлинг Холанд 9 дақиқа ичида иккита гол уриб, жамоасини ҳисобда олдинга чиқди. Мюнхенликлар тўпурари Роберт Левандовски ўз майдонида рақиб ҳужумчисининг ғалабани тантана қилишига йўл қўймади.

Польшалик ҳужумчи танаффусгача иккита гол уриб, ҳисобни тенглаштирди. “Бавария” ўйиннинг иккинчи ярмида Леон Горецка ва Левандовскининг аниқ зарбаларидан кейин бир жуфт тўп киритди ва баҳсни 4:2 ҳисобида ўз фойдасига ҳал қилди.

Шу тариқа, навбатдаги хет-трикдан сўнг Левандовскининг жорий мавсумдаги голлари сони 31 тага етди. Холанд эса 19 та гол билан тўпурарлар пойгасида иккинчи ўринга чиқиб олди.