Левченконинг “Нефтчи”даги тақдири ҳал бўлди

Сўнгги кунларда Виталий Левченконинг "Нефтчи" постидан кетиши борасида миш-мишлар пайдо бўлмоқда. SPORTS.uz сайтига маълум бўлишича, мураббий клубда қолади.

Куни кеча украиналик мутахассис Фарғона вилояти ҳокими Хайрулла Бозоров билан шахсан учрашиб, клубдаги келажаги борасида музокара ўтказган. Натижада, мураббий мавсум охирига қадар жамоа постида қолишга қарор қилган. Шундай экан, "Нефтчи" клуби ишқибозлари воқеалар ривожини хотиржамлик билан кузатиши мумкин.

Эслатиб ўтамиз, айни дамда Левченко бошқарувидаги "Нефтчи" 11 ўйинда 21 очко жамғарган ҳолда, чемпионатда 3-ўринда бормоқда.