"Лейпциг" 35 млнлик трансфер бўйича келишувга эришди

"Динамо Заргеб" ярим ҳимоячиси Дани Ольмо фаолиятини Германия Бундеслигада давом эттиришга яқин турибди.

Sportske Novosti хабарига кўра, "РБ Лейпциг" 21 ёшли испанияликнинг трансфери бўйича Загреб клуби билан келишувга эришди.

Яқин вақтлар ичида расман эълон қилиниши кутилаётган трансфер суммаси 35 миллион еврога тушиши кутилмоқда.

Жорий мавсумда Ольмо Хорватия чемпионатида 9 та ўйинда 3 та гол киритишни уддалади.