"Лион" ярим ҳимоячиси Уссем Ауарга "Арсенал" клуби жиддий қизиқиш билдирмоқда.

Журналист Фарбицио Романо берган хабарга кўра, "канонирлар" раҳбарияти Ауарни топ футболчи, деб билади ва ярим ҳимоячининг ўзи ҳам АПЛда тўп суришни истаяпти.

Бироқ, "Лион" футболчини 60 млн евродан камига сотмоқчи эмас ва уни "рокировка" эвазига қўйиб юборишни ҳам истамаяпти. Жумладан, "Арсенал" таклиф қилмоқчи бўлган Маттео Гендузи номзодига ҳам рози эмас.

Ҳозирги кунгача, Лондон клуби расмий таклиф билан чиқиб улгурмади.

Олдинроқ, футболчига "Манчестер Сити" ва "Ювентус" клублари ҳам қизиқиш билдираётгани маълум бўлганди.