Лионель Месси Жаҳон чемпионатини ўтказиб юбориши мумкин

"Интер Майами" ҳужумчиси Лионель Месси жароҳат сабаб Жаҳон чемпионатидан четда қолиши мумкин.

Ижтимоий тармоқларда тарқалган хабарларга кўра, Аргентина терма жамоаси сардори Лионель Месси Жаҳон чемпионатида иштирок этиши сўроқ остида қолмоқда. Манбага кўра, футболчи МЛСнинг янги мавсумига тайёргарлик кўрмоқда. Бироқ жисмоний ҳолати идеал эмаслиги сабаб мундиал баҳсларида майдонга тушмаслик эҳтимоли мавжуд. Мессининг ўзи ҳам Америка қитъасида бўладиган Жаҳон чемпионатида қатнашмаслик вариантини кўриб чиқмоқда. Унинг таъкидлашича, МЛС даражаси етарлича юқори эмас ва рақобатбардош эмас. Шунинг учун у ўзининг оптимал спорт формасини йўқотган. Аввалроқ Мессининг чап оёқ сон қисмидан кичик жароҳат олгани ҳақида миш-мишлар пайдо бўлган эди. Айни дамда аргентиналик юлдуз жисмоний ҳолатини аста-секин тиклаб бормоқда.

Маълумот учун, Месси 6-марта Жаҳон чемпионатида иштирок этиши мумкин.