Lionel Messi: "Jahon chempioni bo‘lish — umrim davomida orzu qilgan narsam edi"

Argentina terma jamoasi sardori Lionel Messi 2022 yilgi Jahon chempionatida qo‘lga kiritilgan g‘alaba haqida gapirdi.

"Bu haqda butun umrim davomida orzu qilganman. Bu mening professional faoliyatimda etishmayotgan yagona yutug‘im edi. Chunki men "Barselona" bilan klub va shaxsiy darajada deyarli barcha narsaga erishganman. Buni har bir futbolchi orzu qiladi, deb o‘ylayman.

Agar siz futbolchidan nima haqida orzu qilasan deb so‘rasangiz, u albatta Jahon chempioni bo‘lish haqida deydi", — dedi "Inter Mayami" va Argentina terma jamoasi hujumchisi Lionel Messi.