Лисандро Мартинес «Манчестер Юнайтед»ни тарк этиши мумкин
Muhammadqodir Ruzmatov
«Манчестер Юнайтед» ҳимоячиси Лисандро Мартинесга «Атлетико» Мадрид ва Италия А Серияси клублари жиддий қизиқмоқда.
«Манчестер Юнайтед» ҳимоячиси Лисандро Мартинес жамоани тарк этиши мумкин. Бу ҳақда журналист Марк Брус хабар берди.
Манбага кўра, 28 ёшли футболчининг хизматларига Италия Серия Асида иштирок этувчи бир нечта клуб қизиқиш билдирмоқда. Бироқ ҳимоячига энг катта қизиқишни Мадриднинг «Атлетико» клуби кўрсатмоқда.
Мартинес жорий мавсумда барча мусобақаларда 9 та учрашувда майдонга тушиб, 1 та гол урди.
Аргентиналик футболчининг «қизил иблислар» билан амалдаги шартномаси 2027 йилнинг ўрталарига қадар мўлжалланган.
Transfermarkt портали маълумотларига кўра, унинг трансфер қиймати 45 миллион еврони ташкил этади.
Изоҳлар (0)