Ливаковични рад қилган клублар

Жаҳон чемпионатида ўзини кўрсатаётган ва Хорватия билан ярим финалга қадар етиб келган Ливаковичга гранд клублар қизиқиш билдирмоқда. Маълум бўлишича, футболчини ёзда бир қатор жамоалар ўз таркибига қўшиб олишни хоҳламаган.

Инсайдер Давид Орнштейн хабар беришича, 27 ёшли дарвозабонни 10 миллион евро эвазига сотиб олиш мумкин бўлган. Ушбу тарансферни амалга ошириш имконига эга бўлган клублар орасида “Манчестер Юнайтед” ҳам бор эди. Клуб Давид Де Хеага ўринбосар қидираётганди. Аммо улар хорватияликнинг ўрнига Мартин Дубравкани афзал кўрган. Айни дамда “қизил иблислар” яна дарвозабон қидирмоқда.

Бундан ташқари, “Лестер Каспер Шмейхель клубни тарк этгач, ушбу трансферга қизиққан. Англия клуби унинг ўрнига Денни Уордни асосий дарвозабонга айлантиришни маъқул кўрган.

“Ноттингем Форест” ҳам “Динамо Загреб” билан деярли келишувга эришган. Аммо улар “Манчестер Юнайтед” футболчиси Дин Хендерсонни ижарага олган.

Маълум бўлишича, Ливаковичнинг клуби уни гранд жамоаларга қўйиб юборишга тайёр.