“Ливепуль” Муҳаммад Салоҳ ўрнига зўр ҳужумчи танлади

Нидерландиялик ҳужумкор футболчи Дониэлл Мален фаолиятини Англия Премьер-лигасида давом эттириш имконига эга бўлмоқда.

Бир неча поцизияда ўйнай оладиган чарм тўп устасини “Ливерпуль” ўз таркибига қўшиб олмоқчи. Ливерпулликлар Маленни жамоа тўпурари Муҳаммад Салоҳ ўрнига олиб келмоқчи.

Мисрлик ҳужумчининг клуб билан шартномаси келаси ёз тугайди. Томонлар ҳамкорликни узайтириш бўйича ҳали келишувга эришгани йўқ. Қолаверса, Саудия Арабистони клублари анчадан бери Муҳаммад Салоҳни ўз лигаларига олиб кетиш учун пулни аямасликларини билдиряпти.

Дониэлл Маленга “Арсенал” ҳам оғиз солмоқда. Микель Артета ҳам кейинги пайтда жамоанинг кўп гол ура оладиган футболчига эҳтиёжи борлигини таъкидлаб келади.

Мален учун Англия футболи бегона эмас. Футбол сир-асрорларини “Аякс”да ўргана бошлаган ҳужумчи кейинчалик “Арсенал” ёшлар жамоасида малака оширган.

Профессионал фаолиятини ПСВда бошлаган Мален 2021 йилдан бери “Боруссия Дортмунд” шарафини ҳимоя қилиб келмоқда.