"Ливерпуль" -  "Реал": Иккинчи тайм бошланди! (матнли трансляция)

Ассалому алайкум, мухтарам футбол ихлосмандлари! Еаропа Чемпионлар Лигаси чорак финал босқичидан ўрин олган "Ливерпуль" -  "Реал" Мадрид учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+2'
  

  Салаҳнинг ўткир бурчакдан йўллаган зарбасини Куртуа қайтарди.

• 90+2'

  Родригонинг узатмаси Алиссоннинг қўлларига келиб тушди. Улар учун муҳими - вақт ўтмоқда.

• 90'
  

  Учрашувнинг асосий вақтига 4 дақиқа қўшиб берилди.

• 87'

  Катта тезлик олган Салаҳ тўпни тўхтатди. Аммо тўпни "қаймоқранглилар" футболчиси эгаллаб олди.

• 86'

  Тьягонинг узатмасига жамоадоши ета олмади.

• 84'

  Мадридликлар қарши ҳужумларда ўз омадини синамоқда.

• 82'
  

  Шунингдек, "Реал" таркибида Асенсио ўрнига Иско ўйинни давом эттиради.

• 82'
  

  Мане ва Фирмино ўрнига Чемберлен ҳамда Шакири майдонга тушди.

• 81'

  Бенземанинг бош билан йўллаган зарбасига аниқлик етишмади.

• 79'

  Жарима майдонига ёриб киришга уринган Родригони Трент елкама-елка курашда тўхтатди.

• 77'

  Тўп назорати "қироллик клуби" томонга ўтди. Улар майдон бўйлаб узатмалар амалга ошириб, рақибни совутишга уринмоқда.

• 75'

  Асенсионинг зарбасидан кейин тўп ҳимоячига тегиб, майдонни тарк этди. "Реал"да бурчак тўпи юзга келди.

• 73'
  

  Кроос ва Винисиус ўрнига Одриосола ҳамда Родриго майдонга тушди.

• 71'

  Фабиньо катта иштиёқ билан жарима майдонига кирди ва Начога нисбатан қоида бузди.

• 70'

  Фирминонинг зарбасини яна ҳимоячилар дарвозабонга қадар ўтказмади.

• 68'

  Салаҳнинг жарима майдони ичидан йўллаган зарбаси йўлига ҳимоячилар блок қўйишга эришди.

• 66'
  

  Алиссондан дабл-сейв! Винисиуснинг биринчи ва Бенземани такрорий уринишини Беккер бартараф этди.

• 64'

  Винисиус қанотдан рейд уюштирди. Бироқ Фабиньо уни ўтказмади.

• 62'

  Ўйин темпи яна пасайди. Мерсисайдликлар тўпни рақибга топшириб, бироз тин олгандек кўринмоқда.

• 60'
  

  Клопп катта таваккал қилди: Тьяго ва Жота Мильнер ҳамда Кабакни алмаштирди.

• 59'
  

  Қарши ҳужумга ўтаётган Каземирони қоида бузиш эвазига тўхтатган Филипс огоҳлантирилди.

• 57'

  Фирминонинг жарима майдони ташқарисидан берган зарбаси тўсин юқорисидан ўтиб кетди.

• 56'

  Қулай вазиятга чиқиб бориши мумкин бўлган Манени Милитао усталик билан тўхтатди.

• 54'

  Менди жарима майдонига ёриб кирди ва марказга пас берди. Бироқ ҳимоячилар Бенземадан чаққонроқ чиқди.

• 52'

  Жарима майдони ичида тўпни қабул қилиб олган Бензема уни йўқотди. Алиссон тўпни ушлаб олди.

• 50'

  Вальверденинг узатмасидан кейин ҳимоячилар тўпни узоқлаштирди.

• 48'

  Тайм бошида Фирмино анча яхши ҳаракат қиляпти. Роберто яна бир уринишни амлга оширди. Аммо тўп ноаниқ кетди.

• 46'
  

  Бўлимни мезбонлар фаоллик билан бошлади. Фирминонинг яқин масофадан йўллаган зарбасини Куртуа қайтарди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Дастлабки 45 дақиқа ичида ҳисоб очилмади. Танаффус!

• 45+1'

  Жарима майдони ичида Мане йиқилиб тушди. Бироқ Садио ўзи мувозанатни йўқотгани учун ҳакам ўйинни тўхтатмади.

• 45'
  

  Биринчи таймга 2 дақиқа қўшиб берилди.

• 44'

  Бўлим сўнгини майдон эгалари устунлик билан ўтказяпти.

• 42'

  Вейналдумнинг жарима майдони ичидан йўллаган кучли зарбаси ноаниқ кетди.

• 40'

  Салаҳнинг жарима майдони ичидан йўллаган зарбасига бироз аниқлик етишмади.

• 38'

  Арнольднинг узатмасига Мане бироз ета олмади. Мезбонлар хавфли вазият ташкил этишда давом этмоқда.

• 36'

  Томонлар анча эҳтиёткорлик билан ўйнамоқда. Ҳар бир ҳаракат олдиндан режалаштирилган.

• 34'

  Мильнер жамоадошини бирга-бир вазиятга чиқаришни мақсад қилганди. Аммо тўп ҳимоячидан ўтмади.

• 33'

  Садио Мане рақибининг хатосидан кейин тўпни олиб қўйди. Бироқ уни ўзидан узоқлаштириб юборди.

• 31'

  Устунлик "қизиллар" томонда бўлиб турибди. "Қаймоқранглилар" қарши ҳужумларга таянмоқда.

• 29'

  Фирминонинг узатмаси қулай вазиятга чиқиб бораётган Арнольд томон ўтмади. Менди яхши ҳаракат қилди.

• 27'

  Ўйин темпи бироз пасайди. Тўп асосан майдон марказида бўлиб турибди.

• 25'
  

  Қоидани бузган Эндрю Робертсон огоҳлантирилди.

• 24'
  

  Жэймс Мильнерга нисбатан анча жиддий қўполлик ишлатган Каземирога сариқ карточка кўрсатилди.

• 22'

  Ўз қанотидан олдинга ўтган Робертсон тўп йўқотди.

• 20'
  

  Винисиуснинг такрорий уринишини Алиссон ушлаб олди.

• 20'

  Жарима майдони ичида икки рақибини зарарсизлантирган Бенземанинг зарбаси устунга тегди.

• 19'

  Ҳужумда тўп йўқотган Мане Милитаога нисбатан қоида бузди. Ҳакам ўйинни тўхтатди.

• 17'

  Кабакнинг бош билан йўллаган зарбаси устун юқорисидан ўтиб кетди.

• 15'

  Мадридликлар тўп назоратини қўлга олиш орқали рақибнинг шаштини пасайтиришга уриняпти.

• 13'

  Клопп шогирдлари рақибни марказдаёқ тўхтатмоқда.

• 11'
  

  Мильнернинг супер зарбасидан кейин Куртуа супер сейв амалга оширди.

• 10'
  

  Бензема воқеалар ривожидан бироз илгарилаб кетди.

• 9'

  Модричнинг кучли зарбаси рекошет натижасида ўз йўналишини ўзгартирди.

• 8'
  

  Мезбонлар бурчак зарбасидан наф чиқара олмади.

• 6'

  "Қизиллар" кучли босим уюштирмоқда. Бу рақибни хато қилишга мажбур қиляпти.

• 4'
  

  Бурчакдан оширилган тўпга Маненинг йўллаган зарбасига аниқлик етишмади.

• 3'
  

  Қулай вазиятга чиқиб борган Салаҳнинг зарбасини Куртуа қайтарди.

• 1'
  

  Ўйин бошланди!

• 0'

  Футболчилар майдонга тушиб келди. ЕЧЛ мадҳияси янгради. Старт учун барчаси тайёр!