"Ливерпуль" афсонаси Салоҳнинг хати-ҳаракатини шармандалик деб атади

Англия терма жамоаси ва "Ливерпуль" собиқ футболчиси Жейми Каррагер мерсисайдликлар ҳужумчиси Муҳаммад Салоҳ ҳақида кескин фикр билдирди.

"Салоҳнинг хати-ҳаракати — ҳақиқий шармандалик. У жамоага максимал зарар етказишга қарор қилди. Муҳаммад бош мураббийга ҳужум қилиш ва уни истеъфога чиқариш учун энг номақбул вақтни танлади", — деди Каррагер.

Аввалроқ, мисрлик вингер Чемпионлар лигасининг умумий гуруҳ босқичида "Интер"га қарши бўладиган навбатдаги ўйин учун клубнинг қайдномасига киритилмаган.

Маълумот учун, 33 ёшли футболчининг "қизиллар" билан тузган шартномаси 2027 йилнинг ёзигача мўлжалланган. Унинг Transfermarkt порталидаги баҳоси 45 миллион еврони ташкил қилади.