"Ливерпуль" аутсайдерни қийинчилик билан мағлуб этди

"Ливерпуль" АПЛ 33-турида ўз майдонида "Астон Вилла"ни қабул қилиб, қийинчилик билан ғалаба қозонди.

Биринчи таймда жамоалар бир қанча имкониятларга эга бўлишди, бироқ дарвозаларга йўл топа олишмади.

Учрашувнинг 71-дақиқасида Садио Мане ҳисобни очди ва ўзининг мавсумдаги 20-голини киритди.

Ўйиннинг 85-дақиқасида майдонга тушган Кертис Жонс, 89-дақиқада ўйинга якуний нуқта қўювчи гол  муаллифи бўлди.

Шу тариқа, Клопп шогирдлари 33 турда 89 очко тўплашга муваффақ бўлди. "Астон Вилла" эса, 27 очко билан 18-ўринга тушиб кетди.