"Liverpul" "Barselona"ga qarshi uchrashuv oldidan katta yo‘qotishlarni boshidan o‘tkazmoqda

"Liverpul" klubi bosh murabbiyi Yurgen Klopp "Barselona"ga qarshi bo‘lib o‘tadigan EChL yarim final javob o‘yinidan avval matbuot-anjumanida o‘z fikrlarini bildirib o‘tdi.

- Baxtga qarshi ushbu o‘yinda Saloh bizga yordam berolmaydi, - dedi Klopp Movistar telekanaliga bergan intervyusida.

Matbuot-anjumani doirasida mutaxassis "Barsa"ga qarshi bahsni "qizillar" asosiy xujumchilaridan yana biri Roberto Firmino o‘tkazib yuborishini aytib o‘tdi.

Eslatib o‘tamiz, jamoalarning javob uchrashuvi bugun Liverpulda bo‘lib o‘tadi. Jamoalarning dastlabki o‘yinida "Barselona" o‘z maydonida 3:0 hisobida g‘alaba qozongan edi.