“Ливерпуль” чемпионликни эрта топширди

Ўтган мавсум “Манчестер Сити”нинг қаторасига тўрт йил давом этган чемпионлигига барҳам берган “Ливерпуль” бу гал ўзининг ғолиблик унвонини муносиб ҳимоя қила олмади.

Жамоа бош мураббийи Арне Слот шогирдлари Премьер-лигада чемпионлик учун курашдан чиқиб кетганини очиқчасига тан олди.

Шу боис, Слот энди чемпионликни ҳимоя қилиш ҳақида ўйламаяпти ва асосий эътиборни Чемпионлар лигасига йўлланма олишга қаратмоқда.

- Чемпионлик пойгаси тугагани айтиш ҳеч қачон ёқимли бўлмайди, чунки футболда ҳамма кутганингиз амалга ошмайди. Лекин ҳозир бизга энг керак бўлмаган мавзу, бу чемпионлик пойгаси ҳақида гапиришдир.

Биз ҳозирги ҳолатимизда лигада “Арсенал” билан чемпионлик учун рақобатлашиш жуда қийин эканини яхши биламиз.

Энг аввало, биз топ-4, яъни Европа Чемпионлар лигасига чиқиш учун курашишимиз керак. Ҳали биз кураша оладиган кўп нарсалар бор, масалан, жорий Чемпионлар лигаси, Англия Кубоги бош совринлари учун кураш олдинда.

Агар аввал ҳеч қачон бўлмаган қандайдир ғайриоддий ҳолат рўй берса, биз бундан фойдаланишга ҳаракат қиламиз, - деди Арне Слот.