"Liverpul" Diasdan so‘ng yana bir transferni amalga oshiradi

"Liverpul" klubi qishki transferlar oynasining so‘nggi kunida yana bir futbolchi sotib olmoqchi. Xabarlarga ko‘ra, mersisaydliklar allaqachon "Fulxem" vakili Fabio Karvalo uchun taklif yuborgan.

Mashhur jurnalist Fabritsio Romanoning ma’lum qilishicha, hozirda transfer masalasi deyarli hal bo‘lgan. APL klubi Chempionship jamoasiga 7 million to‘laydi va yarim himoyachini o‘z safiga qo‘shib oladi.

"Fulxem" rahbariyati "qizillar"dan angliyalik iqtidorni mavsum yakuniga qadar ijarada olib qolishni so‘ragan. 

Statistikaga ko‘ra, Fabio Karvalo joriy mavsum Chempionshipdagi 18 ta o‘yinda 7 gol va 4 assistni o‘z nomiga rasmiylashtirib qo‘ygan.