"Ливерпуль" етакчилари сафга қайтди

“Ливерпуль” клуби АПЛнинг 5-туридан ўрин олган ҳамшаҳари “Эвертон”га қарши ўйинга тайёргарликни давом эттирмоқда.

Клуб расмий сайтининг хабар беришича, коронавирусдан соғайган Садио Мане ва Тиаго Алькантара машғулотларга қўшилган. Шунингдек, Жоэль Матип ҳам таркибга қайтган. Айни дамда машғулотларда терма жамоаларга чақирилмаган футболчилар шуғулланмоқда.

«Эвертон» – «Ливерпуль» учрашуви 17 октябрь куни Тошкент вақти билан соат 16:30 да бошланади.