"Ливерпуль" футболчисини Италияга чорлашмоқда
“Ливерпуль” клуби ҳимоячиси Деян Ловрен фаолиятини Италия А Сериясида давом эттириши мумкин.
La Lazio Siamo Noi нашрининг маълум қилишича, хорватиялик футболчига “Лацио”дан қизиқишлар пайдо бўла бошлаган. Римликлар жамоадан кетиши кутилаётган ҳимояси Баштуш ўрнига айнан Ловрен номзодини кўриб чиқишмоқда. Улар, шунингдек, “Реал” ҳимоячиси Начони ҳам кўз остиларига олиб қўйишган. Бироқ, жамоанинг аксарият қисми Ловрен номзодини қўллаб-қувватламоқда.
Ўз навбатида “Ливерпуль” ҳам Ловренни сотиб юборишни режалаштираётгани ҳақида хабарлар тарқалган эди. Унга «Милан», «Арсенал», «Тоттенхэм» ва «Лион» клубларидан ҳам қизиқишлар мавжуд.
Деян Ловрен жорий мавсум АПЛда 9 та ўйинда майдонга тушди ва 1 та голли узатмага муаллифлик қилди.
Фикрлар