"Ливерпуль" ҳимоячиси А Серияга ўтиши мумкин

Италия А Сериясининг "Рома" клуби ёзги трансфер ойнаси вақтида ҳимоя чизиғини кучайтириш ҳақида бош қотирмоқда.

Ёзда Крис Смоллингни "Манчестер Юнайтед"га қайтиши ортидан римликлар бўшаб қолган марказий ҳимоя чизиғига бир қанча вариантларни кўриб чиқмоқда. Англия нашрлари хабарига кўра, "бўрилар" "Ливерпуль" ҳимоячиси Деян Ловрен ва "Тоттенхэм" футболчиси Ян Вертонген атрофидаги вазиятни кузатиб бормоқда.

Аммо хорватиялик футболчи "Рома"нинг асосий нишонига айланиши кутилмоқда. Клуб футболчининг агенти билан ёзги трансфер ойнаси очилгунича музокаралар бошлашни режалаштиришган.