"Ливерпуль" ҳимоячисиз қолди

"Ливерпуль" ҳимоячиси Жоэль Матип Англия Премьер-лигаси 15-тури доирасида "Вест Бромвич"га қарши учрашувдан жароҳат олди. Daily Mail нашри тарқатган хабарга кўра, бугун футболчи тиббий кўрикдан ўтади. Шундан сўнг жароҳатнинг қай даражада оғирлиги маълум бўлади.

"Ливерпуль"нинг марказий ҳимоячилари асосий жуфтлиги - Виржил ван Дейк ва Жо Гомес ҳам жароҳат боис "қизиллар"га ёрдам бера олмаяпти. Иккала футболчи ҳам мавсум охиригача сафдан чиққан.

Aммо, клуб қишки трансферлар вақтида ушбу позицияга футболчи сотиб олиш ниятида эмас. "Ливерпуль" 19 ёшли Риз Уильямс ва 23 ёшли Натаниэль Филлипсга ишонишда давом этмоқчи.