"Ливерпуль" ҳужумчисидан воз кечди

"Ливерпуль" ҳужумчиси Дарвин Нуньесдан қишки трансферлар ойнасида қутилмоқчи. 
 
"AC Milan TMN" нашрининг маълумотига кўра, уругвайлик футболчи Слотнинг клубидаги ўрнидан норози. Шу боис, трансферлар ойнасида Англияни тарк этиш ҳақида ўйламоқда. Манбанинг хабар беришича, ҳозирда ҳужумчи учун Италиянинг "Милан" клуби асосий даъвогар сифатида кўрилмоқда. 
 
Сўнгги кунларда миланликлар ҳам чемпионлик курашига кириш учун янги ҳужумчи сотиб олишни режа қилаётган эди. Мазкур трансферга италияликлар 40 миллион евро тўлашга тайёрлигини билдирган. 
 
Маълумот ўрнида, 25 ёшли форвард бу мавсум 24 та учрашувда иштирок этиб, 4 та гол ва 3 та голли узатмага муаллифлик қилди. Унинг клуб билан шартномаси 2028 йилача мўлжалланган бўлиб, Тransfermarkt порталидаги нархи 65 миллион евро деб баҳоланмоқда.