"Liverpul" "Manchester Yunayted"ni ortda qoldirdi va Angliyaning eng sovrindor jamoasiga aylanib oldi

Xabaringiz bor kecha Istanbulda “Liverpul” hamda “Chelsi” klublari o‘rtasida UEFA Superkubogi uchun bahs bo‘lib o‘tdi. Ushbu o‘yinda mersisaydliklar penaltilar seriyasida g‘alabani ilib ketishdi.

E’tiborlisi, bu “Liverpul” uchun o‘z tarixidagi 43-sovrin bo‘ldi va u Angliyadagi eng sovrindor jamoaga aylandi. Yurgen Klopp boshchiligidagi jamoa bu borada “Manchester Yunayted”ni ortda qoldirishdi. Mankuanliklar hisobida hozircha 42ta sovrin bor.

Bu boradagi kuchli uchlikni 30ta sovrin bilan “Arsenal” egallab turibdi.