“Ливерпуль” Мбаппени олиш йўлини топдими?

Англия чемпионлиги шарафини ҳимоя қилаётган “Ливерпуль” келаси ёзда ПСЖни тарк этишини эълон қилган Килиан Мбаппени олишни мақсад қилган.

Футболчининг ўзи фаолиятини Англия ёки Испанияда давом эттиришни истамоқда. Мбаппега “Реал” ҳам даъвогарлик қилмоқда. Мадридликлар яқинда франциялик ҳужумчи ҳозирдан Мадридга келишини кафолатласа, унга 100 миллион евро миқдорида бонус ваъда қилган эди.

“Ливерпуль” ҳам дунёнинг энг қиммат футболчиси учун курашни давом охиригача олиб бормоқчи. Юрген Клоппнинг шахсан ўзи Мбаппе вакиллари билан алоқани ушлаб турибди. Ливерпулликлар ёш ҳужумчисига олти йиллик шартнома ва йилига камида 50 миллион фунт  маош ваъда қилган эди.

ПСЖ Мбаппени 2017 йили “Монако”дан ижарага олиб, бир йилдан кейин ҳужумчи учун 145 миллион евро тўлаган эди. Килианнинг парижликлар билан шартномаси 2022 йилгача амал қилади. Футболчи ўзаро ҳамкорликни давом эттирмасликни билдирган.

Фикрлар

Фикр қолдириш учун авторизациядан ўтинг!