"Ливерпуль" "Монако"нинг яна бир етакчисига қизиқиш билдирмоқда

"Монако" клуби ярим ҳимоячиси Тома Лемар тез орада собиқ жамоадоши Фабиньо каби "Ливерпуль" футболчисига айланиши мумкин.

Хабарларга қараганда мерсисайдликлар мураббийлар штаби 22 ёшли Франция терма жамоаси аъзосининг хизматларига жиддий қизиқиш билдиришмоқда.

Эслатиб ўтамиз, кеча “Монако”нинг бошқа бир етакчиси – Фабиньо “Ливерпуль” билан узоқ йиллик шартнома имзолагани ҳақида хабар берган эдик.