“Ливерпуль” Муҳаммад Салоҳни сотади. Учта харидор тайёр

“Ливерпуль”нинг мисрлик ҳужумчиси Муҳаммад Салоҳ ёзда бошқа жамоага ўтиши кутилмоқда.

Tribal Football нашрининг маълум қилишича, клуб мутасаддилари 30 ёшли тўпурарни сотиб юборишга қарор қилган. Манбанинг таъкидлашича, Салоҳ янги шартнома имзолаганидан кейин ўйин сифатини тушириб юборгани раҳбарияти эътирозларига сабаб бўлмоқда.

Айни пайтда моҳир тўпурар хизматига “Реал”, “Бавария” ва ПСЖ қизиқиш билдириб тургани айтилмоқда.

Муҳаммад Салоҳнинг “қизиллар” билан шартномаси 2025 йилнинг ёзигача тузилган. Уни қўлга киритмоқчи бўлган клублар 80 миллион евро атрофида харажат қилиши керак бўлади.