"Ливерпуль" мухлислари учун ҳушхабар

"Ливерпуль" клуби форварди Роберто Фирмино мушакларидан олган жароҳатидан фориғ бўлди.

Берилган маълумотларга кўра 27 ёшли бразилиялик футболчи бугун мерсисайдликларнинг умумий гуруҳ машғулотларида иштирок этди. Шу тариқа у эртага “Барселона”га қарши бўлиб ўтадиган ЕЧЛ ярим финал дастлабки учрашувида жамоасига ёрдам бера олади.

Маълумот учун, Фирмино жорий мавсум “Ливерпуль” сафида жам  46та ўйинда майдонга тушди ва ўз ҳисобига 16та гол ҳамда 8та голли узатма ёздириб қўйишга эришди.

Эслатиб ўтамиз, "Барселона" - "Ливерпуль" учрашуви эртага Тошкент вақти билан соат 00:00да бошланади.