"Ливерпуль" Нунес учун 50 миллионнинг баҳридан кечишга тайёр

"Вулверхэмптон" ярим ҳимоячиси Матеус Нунес "Ливерпул"нинг трансферлар рўйхатига кирган.

"The Telegraph" хабарига кўра, мерсисайдликлар 24 ёшли португалиялик футболчининг трансфери учун 44 миллион фунт (50 миллион евро) тўлашга тайёр. "Қизиллар" ўтган ёзда Матеусга қизиқиш билдирганди, аммо кейинроқ футболчи "Спортинг"дан "Вулверхэмптон"га ўтишга қарор қилди. Битим 45 миллион еврони ташкил этган.

Эслатиб ўтамиз, Англия премьер-лигасининг жорий мавсумида Нунес 14 та ўйинда майдонга тушиб, бир голли узатмани амалга оширди. Унинг "бўрилар" билан тузилган шартномаси 2027 йилнинг ўрталарига қадар мўлжалланган.