"Ливерпуль" қайси футболчи учун 100 млн евро тўламоқчи?
"Ливерпуль" клуби ёзги трансферлар даврида "РБ Лейпциг" форварди Тимо Вернерни ўз сафига қўшиб олмоқчи.
Bild нашри тарқатган хабарга кўра мерсисайдликлар 22 ёшли футболчи учун 100 миллион евро таклиф қилишмоқчи. Ўз навбатида Вернер ҳам ёзда жамоасини ўзгартиришга тайёр. Бундан аввалроқ у Англия премьер-лигасида, ҳусусан, "Манчестер Юнайтед"да ўйнаш нияти борлиги ҳақида айтиб ўтган эди.
Маълумот учун, Вернер жорий мавсум “РБ Лейпциг” сафида жами 37та учрашувда иштирок этган ва ўз ҳисобига 18та гол ҳамда 5та голли узатма ёздириб қўйишга эришган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар