"Ливерпуль" раҳбарияти Слотга янги вазифа берди

"Ливерпуль" бош мураббийи Арне Слот жорий мавсум якунига қадар жамоани тарк этмаслиги ойдинлашиб бормоқда. Бироқ мутахассис ўз олдига қўйилган вазифаларни бажариши шарт.

"MatchDay Central" нашри берган маълумотига кўра, "қизиллар" раҳбарияти нидерландиялик мутахассисга борган сари кўпроқ ишонч билдирмоқда ва яқин ойларда у билан хайрлашишни режалаштирмаяпти. Аммо раҳбарият Слотдан АПЛнинг жорий мавсумини кучли тўртликда тугатишни талаб қилмоқда. Шунингдек мерсисайдликлар АПЛда чемпионлик учун деярли имконият қолмаганлиги сабабли, жамоанинг ЕЧЛ ғолиблиги учун курашишни истаяпти. 

Аввалроқ "Ливерпуль" Слотни, январь ойида Мадриднинг «Реал» клубидан бўшатилгач ишсиз қолган Хаби Алонсога алмаштиришга тайёр экани ҳақида миш-мишлар тарқалган эди.

Эслатиб ўтамиз, "Ливерпуль" айни вақтда АПЛ туринир жадвалида 28 та учрашувда 48 очко жамғарган холда 5 поғонани эгаллаб турибди.