Ads

"Ливерпуль" клуби сардори Жордан Хендерсон жароҳат олиб сафдан чиқди.

28 ёшли футболчи кеча “Бавария”га қарши бўлиб ўтган ўйиннинг 13-дақиқасидаёқ жароҳат олди ва майдонни тарк этди. Унинг ўрнига учрашувни Фабиньо давом эттирди.

“Хендерсон тўпиғини қайриб олди. Умид қиламанки жароҳат биз ўйлаганчалик жиддий эмас”, - дейди мерсисайдликлар бош мураббийи Юрген Клопп.

Унинг қачон сафга қайтиши тез орада ўтказиладиган тиббий текширувлардан сўнг маълум бўлади.

Маълумот учун, Хендерсон жорий мавсум “Ливерпуль” сафида жами 32та ўйинда иштирок этди.