"Ливерпуль" клуби ўтган молиявий йил якунлари ҳақида хабар берди.

Клуб расмий сайтида эълон қилинган хабарга кўра, 2020 йилнинг май ойидан буён ўтган 12 ой муддат давомида мерсисайдликлар солиқлардан ташқари 46 миллион фунт миқдорида зарар кўргани қайд этилган. Таққослаш учун, клуб 2019 йилда ушбу даврда 42 миллион фунт фойда кўрган эди. Бу эса бир молиявий йилда фарқ 88 миллион фунтга етганини кўрсатмоқда.

Тижорат даромади 29 миллион фунтдан 217 миллион фунтгача ошганига қарамай, медиа даромадлар 202 миллион фунтдан 59 миллион фунтга тушиб кетган. Уй учрашувларидан тушадиган даромадлар 71 миллион фунтга камайган.

"Ливерпуль" даромадининг пасайиши коронавирус пандемиясининг таъсири билан боғлиқ. Клуб пандемиянинг умумий салбий таъсирини 120 миллион фунтга баҳоламоқда.

Шу билан бирга, "Ливерпуль"даги маошга сарфланадиган маблағ 310 миллиондан 325 миллион фунтга кўтарилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)