"Ливерпуль" ва "Атлетико" клубларининг собиқ футболчиси фаолиятини якунлади

Аргентиналик машҳур ярим ҳимоячи Макси Родригес бутсаларини михга илишга қарор қилди. У 40 ёшида профессионал футболчилик фаолиятини якунлади.

Родригес фаолияти давомида "Ньюэллз Олд Бойз", "Реал Овьедо", "Эспаньол", "Атлетико", "Ливерпуль" ва "Пеньяроль" клубларида тўп сурган.

Макси Родригес Аргентина терма жамоасида жами 57 та ўйинда майдонга тушган ва ўз ҳисобига 16 та гол ёздириб қўйган.